Pershendetje,

Psoriaza është dermatozë eritemoskuamoze kronike e shpeshtë; i lakmon veҫanërisht bërrylat , gjunjët , kryqet dhe kokën.
Prognoza . Psoriaza , konsiderohet si sëmundje e njeriut me gjendje shëndetësore të mirë, pra nuk duhet të jetë farë pengese për një jetë aktive, normale të gëzueshme. I sëmuri duhet ti përshtatet gjendjes , e jo të vuajë shpirtërisht nga shenjat joestetike dhe nga kronicitetit i sëmundjes. Kruarja e lehtë, që disa herë vërehet te psoriaza, nuk është shenjë karakteristike për sëmundjen, por duhet të ketë bazë psikogjene.
Psoriazën e karakterizojnë fazat e keqësimit dhe ato të përmirësimit.Sëmundja keqësohet në pubertet dhe në menopauzë. Në familje, në punë, në rrethin shoqëror dalin probleme që të sëmurin e mundojnë shpirtërisht, prandaj edhe sëmundja vie e keqësohet. Përdorimi i alkoolit poashtu e keqëson gjendjen. Zhvillimi i sëmundjes, përveҫ nga shqetësimet shpirtërore, varet edhe nga gjendja e përgjithshme shëndetësore, sëmundjet e tjera, ndikimi i ambientit dhe nga stinët e vitit. Verës gjendja përmirësohet ( veprimi i dobishëm i rrezeve UV), kurse dimrit ajo kqesësohet. Sa më heret që fillon psoriaza , aq më e qëndrueshme është ndaj mjekimit. Terapia e përshtatshme i largon ndryshimet, por ato mund të kthehen në ҫdo kohë.Sëmundja nuk lë pasoja në lëkurë, e as flokët kryesisht nuk i dëmton. Përveҫ trajtave të rralla të psoriazës (pustuloze,eritrodermike, artropatike), për sa i takon jetës, sëmundja e ka prognozën e mirë.
Mjekimi i psoriazës është sipmtomatik. Gjatë mjekimit të psoriazës duhet të ndërmerren masa të përgjithsme dhe të aplikohet terapia e përgjithsme dhe ajo lokale(e jashtme).Te psoriaza si te ҫdo sëmundje kronike , për tiu shmangur rezistencës medikamentoze (tachyphilaxis), barnat duhet të ndërrohen kohë pas kohe.
Masat e përgjithsme i përfshijnë të gjitha veprimet që kanë për qëllim stabilizimin e shëndetit. Nxitësit e sëmundjes, nëse zbulohen , duhet të mënjanohen. I sëmuri duhet tu shmanget shqetësimeve shpirtërore. Alkoolin nuk duhet ta konsumojë. Këshillohet ushqim jo shumë kalorik, pa ëmëlsira(pa sheqer),me sasi yndyre të zvogluar, por i pasur me pemë e sidomos me perime. Dielli (UV) ndikojnë mirë , për ҫarsyje i sëmuri duhet të qëndrojë verës në natyrë në bjeshkë ose bregdet. Gjatë rrezitjes në diell duhet pasur kujdes, që të mos digjet lëkura, pasi psoriaza lakmon të shfaqet në vendet e lënduara.Këshillohen banjat e ngrohta nga 10 minuta për ҫdo ditë(ujit mund ti shtohet pak NaCl).
Më shumë rreth kësaj teme, ju lutem klikoni këtu