Përdorimet
Acidi acetilsalicilik ushtron veprim analgjezik (kundra dhimbjes), antipiretik (kundër temperatures) dhe antiinflamator prandaj indikohet për mjekimin e sëmundjeve reumatike dhe të çrregullimeve të tjera muskuloskeletore (duke përfshirë edhe artritin juvenil). Ai ushtron edhe veprim antitrombocitar (kundër trombociteve), prandaj indikohet në profilaksinë e sëmundjeve cerebrovaskulare ose të infarktit të miokardit, në dhimbje të lehta deri mesatare dhe në gjendje febrile.
Kundërpërdorimet
Pacientët me mbindjeshmëri ndaj barit, hemofili dhe çrregullime të tjera të koagulimit; ulcerë peptike aktive; fëmijët nën 12 vjeç (përveç mjekimit të artritit juvenil), laktacionit (rreziku i shfaqjes së sindromës Reye).
Efektet anësore
Ulcera me hemoragji të fshehta; çrregullime gastriontestinale (stomak-zorrë); hemoragji subkonjunktivale; çrregullime të të dëgjuarit; marrje mendsh; konfuzion mendor; angioedemë; bronkospazmë; ekzantemë (skuqje); rritja e kohës së koagulimit; miokardit; trombocitopeni(ulje te trombociteve te gjakut); sindromi Reye.
Dozimi
- Antiagregues: 75-300mg në ditë.
- Analgjetik: 300-900 mg çdo 4-6 orë sipas nevojës, doza maksimale 4g në ditë. Tek fëmijët nuk rekomandohet.
- Barnat e skeletit dhe muskujve: 300-900 mg çdo 4-6 orë sipas nevojës, doza maksimale 4g në ditë. Tek fëmijët nuk rekomandohet.
Format farmaceutike dhe dozat
- Antiagregues
Tableta: 100 mg, 300 mg, 500 mg. - Analgjetik
Tableta: 100mg, 250mg, 300mg, 500mg.
Eferveta (me tretje në ujë): 300mg, 500mg. - Barnat e skeletit dhe muskujve:
Tableta: 100 mg, 300 mg, 500 mg, 650 mg.
Tableta eferveshente (shkumëzuese): 500 mg, 324 mg, 400 mg
Suposte: 60 mg, 120 mg, 200 mg, 300 mg, 600 mg, 650 mg, 1.2 g.
Tretësirë për injeksion: 0.5 g dhe 1 g.
Ky informacion nuk do të zëvendsojë këshillen e një doktori. Lista doktorëve është dhënë si një lehtësi për ju. Ajo nuk është menduar si një rekomandim. doktorijuaj.com hedhë poshtë çdo garanci ose detyrim për përdorimin tuaj të këtij informacioni, pa konsultimin e drejtëpërdrejte me doktorin. Përdorimi i këtij informacioni do të thotë se ju pranoni kushtet e përdorimit. Se si u zhvillua ky informacion për t'ju ndihmuar që të merrni vendime më të mira shëndetësore.
