- Përdorimet
Sëmundjet e syrit: Tek infeksionet e syrit të shkaktuara nga mikro-organizmat gram-negativ dhe gram-pozitiv.
Sëmundjet e veshit, hundës dhe fytit: Infeksionet bakteriale në otit externa (infeksion i veshit të jashtëm).
Antibiotik: Septikemi dhe sepsis neo-natal (tek fëmijët e porsalindur), meningjit (infeksion i shtresës meningeal-e të trurit) dhe infeksione tjera të SNQ-së (Sistemi Nervor Qendror), endokardit (infeksion i shtresës së brendshme të zemrës), pielonefrit (infeksion i veshkave dhe duktus-eve) dhe prostatit (prostata) si dhe mikro-organizmat e tjerë gram negativ; lokalisht për infeksionet e lëkurës dhe të syrit
- Kundërpërdorimet
Sëmundjet e syrit: Pacientët me mbindjeshmëri ndaj barit si dhe nga antibiotikët të tjerë amino-glukozide.
Sëmundjet e veshit, hundës dhe fytit: Perforim (çarje) i timpan-it (membrana timpanike) të veshit.
Antibiotik: Nuk përdoret në shtatzëni, miastenia gravis (sëmundje e muskujve).
- Efektet anësore
Sëmundjet e syrit: Gentamicin-a tolerohet mirë kur përdoret lokalisht.
Sëmundjet e veshit, hundës dhe fytit: Reaksione lokale.
Antibiotik: Neuro-toksicitet (helmim i sistemit nervor), vertigo (marrje mendsh); ataksi; ototoksicitet vestibular (helmim i pjesës që njihet si vestibulumi labirinthor) dhe i dëgjimit; nefrotoksicitet (helmim i veshkave), reaksione në lëkurë; hipo-magnezemi (ulja e sasisë së magnezit në gjak) me përdorim të zgjatur.
- Dozimi
Sëmundjet e syrit: 1-2 pika, 3 deri 8 herë në ditë në syrin e sëmurë.
Sëmundjet e veshit, hundës dhe fytit: 2-4 pikë 2-3 herë në ditë.
Antibiotik: Është me rëndësi individualizimi për shkak të indeksit të vogël terapeutik.
Të sapolindurit: Intratekal 1 mg çdo ditë.
Fëmijët mbi 3 muaj: Intratekal 1-2 mg/ditë.
Fëmijët nën 5 vjeç: Me rrugë të ngadalshme, së paku 3 min. kur jepet si injeksion intramuskular (IM) dhe injeksion intravenoz (IV), 2.5 mg/kg çdo 8 orë; tek fibroza cistike 2.5 mg/kg çdo 6 orë.
Fëmijët mbi 5 vjeç: 1.5-2.5 mg/kg çdo 8 orë.
Të rriturit I.M dhe I.V në infeksione tepër të theksuara: 2-2.5 mg/kg çdo 8 orë; infeksionet e sistemit urinar: 1.5 mg/kg/, çdo 8 orë; në infeksionet tjera: 2-5 mg/kg/ditë.
- Format farmaceutike dhe dozat
- Tretësirë për injekcione: 20 mg, 40 mg, 80 mg, 120 mg
- Tretësirë për injekcion intratekal: 5mg
- Kremë oftalmike: 0.1%
- Pomadë oftalmike: 0.3%
- Pomadë për lëkurë: 0.1%
- Pika për sy: 0.3%
Ky informacion nuk do të zëvendsojë këshillen e një doktori. Lista doktorëve është dhënë si një lehtësi për ju. Ajo nuk është menduar si një rekomandim. doktorijuaj.com hedhë poshtë çdo garanci ose detyrim për përdorimin tuaj të këtij informacioni, pa konsultimin e drejtëpërdrejte me doktorin. Përdorimi i këtij informacioni do të thotë se ju pranoni kushtet e përdorimit. Se si u zhvillua ky informacion për t'ju ndihmuar që të merrni vendime më të mira shëndetësore.
