Kanceri i testisit

Kanceri që zhvillohet në testikuj është quajtur kanceri testikular (kanceri i testisit). Zakonisht vetëm një testikul është prekur dhe kanceri zakonisht haset në testikulin e djathtë. Nëse lihet pa u trajtuar, ai do të shpërndahet në të gjithë trupin. Dy llojet kryesore të kancerit testikular janë seminoma dhe joseminoma.

Kush mund ta marrë kancerin e testisit?

Kanceri testikuar numërohet në afërsisht 1% të të gjithë kancerave tek meshkujt. Ai zakonisht prek meshkujt e moshës 20 deri 40 vjeçare. Lloje të caktuara të kancerit testikular mund të ndodhin tek fëmijët e vegjël dhe tek meshkujt e rritur.

Faktorët rrezikues

Shkaku i kancerit testikular akoma nuk është zbuluar; megjithatë, ekzistojnë shumë faktorë rrezikues të cilët janë identifikuar:

• Testikuj të pakorrigjuar tek foshnjat ose fëmijët;
• Një histori familjare e kancerit testikular;
• Të paturit e një binjaku me kancerin testikular;
• Meshkujt, mamaja e të cilëve ka marrë hormonin e quajtur DES (diethylstilbestrol) gjatë shtatzënisë për të parandaluar abortin, mund të kenë probleme testikulare. Megjithatë, kërkuesit nuk e kanë konkluduar nëse ekziston ndonjë lidhje ndërmjet ekspozimit prenatal të DES dhe kancerit testikular.

Cilat janë shenjat dhe simptomat e kancerit të testisit?

Kanceri testikular mund të shkaktojë një sërë shenjash dhe simptomash, por mund të mos shfaqë edhe asnjë simptomë. Simptomat ndaj të cilave meshkujt duhet të kujdesen janë:

• Një gjëndër e vogël e dhimbshme në testikuj;
• Çfarëdo zmadhimi të testikujve;
• Një ndjenjë rëndese në testikuj;
• Një dhimbje e shurdhët në bark;
• Dhimbje në testikuj ose skrotum;
• Një ndryshim në mënyrën sesi ndihen testikujt;
• Zmadhim ose ndjeshmëri në gjinjtë ose thithkat e meshkujve.

Gjithsesi, këto simptoma janë të zakonshme dhe mund të shkaktojnë një sërë gjendjesh të tjera. Është e rëndësishme për të shkuar tek doktori nëse ndonjë nga këto simptoma zgjat në afërsisht dy javë. Çdo sëmundje duhet të diagnostikohet dhe të trajtohet sa më shpejt që të jetë e mundur. Kjo është veçanërisht e rëndësishme në kancerin testikular që të diagnostikohet dhe të trajtohet sa më shpejt, në mënyrë që edhe shërimi të jetë më i shpejtë dhe më i mirë.

Si është diagnostikuar kanceri i testisit?

Një histori e plotë familjare është marrë dhe një ekzaminim i plotë fizik i skrotumit është kërkuar. Një ultratingull i skrotumit për të ekzaminuar testikujt gjithashtu është realizuar.

Rrezet X të kraharorit dhe skanimit CT të kraharorit dhe të barkut mundet gjithashtu që të bëhen për të kontrolluar nëse kanceri është përhapur në mushkëri, dhe njëkohësisht duhen bërë dhe testet e gjakut dhe të urinës. Nëse ekzaminimi fizik dhe testi i urinës dhe gjakut nuk specifikon ndonjë infeksion ose gjendje tjetër, atëherë dyshohet vetëm kanceri.

Për të konfirmuar diagnozën, një kampion indesh është i nevojshëm për ekzaminim nën një mikroskop. Fatkeqësisht, një mostër indesh nuk mund të merret ndërkohë që testikujt janë në vend sepse nëse problem është kanceri, prerja në shtresën e jashtme të testikujve mund të përhapë sëmundjen. Kështu që, për të marrë mostrën e indeve, i tërë testikuli hiqet. Nëse ju keni vetëm një testikul, mund të bëhet vetëm biopsia.

Trajtimi

Trajtimi fillestar është heqja e testikujve të prekur nëpërmjet kirurgjisë. Gjithashtu, kur trajtoni kancerin testikular, kirurgu mund të heqë nyjet limfatike të pozicionuara thellë në pjesën e barkut për të kontrolluar nëse qelizat kanceroze janë shpërndarë.

Në disa raste, radioterapia ose kemioterapia mund të jetë e nevojshme – e ndjekur nga kirurgjia për trajtimin e kancerit.

Pas trajtimit, meshkujt duhet të monitorohen me testet e gjakut dhe rrezet X për t’u siguruar që sëmundja nuk do të rikthehet. Infertiliteti mund të jetë një efekt anësor i trajtimit me radioterapi dhe kemioterapi, por sperma mund të ruhet e ngrirë, përpara nisjes së operacionit.

Pamja e jashtme për pjesën më të madhe të njerëzve me kancerin testikular është e mirë dhe normat e shërimit janë mbi 90%.