Sistemi nervor qendror përbëhet nga truri dhe palca kurrizore. Kjo strukturë është përgjegjëse për frymëmarrjen dhe rrahjet e zemrës që janë të nevojshme për të vazhduar jetën, si dhe për lëvizjet e duarve dhe të këmbëve, të menduarit, të folurit dhe të shikuarit. Si në rastin e tumoreve të tjerë, tumoret e trurit e kanë origjinën nga qelizat që kanë aftësinë e rritjes dhe ndarjes jonormale. Këto qeliza shumohen në një mënyrë të pakontrulluar dhe me kalimin e kohës formojnë një mase. Kështu, ato dëmtojnë funksionimin e duhur të trurit dhe shtyllës kurrizore ose duke shtypur qelizat e tjera të shëndetshme ose duke u përhapur midis qelizave të tjera të shëndetshme në varësi të vendodhjes së tyre.
Kirurgjia rekomandohet për një pjesë të madhe të tumoreve në mënyrë që të bëhet diagnoza dhe të çlirohet indi i shëndetshëm i trurit.
- Cilat janë shenjat e mundshme te një pacient me tumor?
Shenja e parë dhe më e zakonshme e tumorit të trurit tek fëmijët është:
- Dhimbje koke e vazhdueshme
Përveç dhimbjes së kokës, te këta pacietë mund të shihen simptomat e mëposhtme.
- Të vjella (të vjella me presion sidomos pas ngritjes nga shtrati në mëngjes)
- Lëvizjet e ngadalsuara, humbja e forcës dhe paraliza në krahë dhe këmbë
- Paraliza e fytyrës
- Konvulsionet (krizat epileptike, shkuma nga goja, humbja e vetëdijes)
- Devijimi i syve, shikimi i kufizuar djathtas ose majtas
- Pamundësia për të parë lartë
- Ulja e mprehtësisë së shikimit
- Vështirësi në gëlltitje
- Çrregullim i të folurit
- Pa rehatia, mungesë oreksi, të qara të vazhdueshme (tek foshnja)
- Fontanela e fryrë
- Përgjumje e vazhdueshme
- Ngurtësia e qafes
- Kur duhet të konsultohem me një doktor?
Ju duhet detyrimisht të konsultoheni me një pediatër, nëse vëreni ndonjë nga simptomat e mësipërme tek fëmija juaj. Pediatri juaj do ta referojë fëmijë tuaj tek një neurokirurg për fëmijët, nëse gjykohet të jetë e nevojshme.
Gjithmonë duhet të keni parasysh se secili fëmijë që ka dhimbje koke të vazhdueshme dhe të vjella me presion, sidomos pasi ngrihet nga shtrati në mëngjes, është e arsyeshme që të vlerësohet nga një neurokirurg për fëmijë. Nëse doktori juaj ka shqetësime në lidhje për ndonjë masë në hapsirën intrakraniale, si për shembull një tumor, MRI-ja mund të kërkohet për pacientin tuaj.
- Çfarë duhet të presë një pacient pasi diagnostikohet me një tumor të trurit?
Së pari, duhet të kryhet MRI-ja e trurit e cila ofron informacion të detajuar në lidhje me tumorin e trurit ose të palcës kurrizore. MRI-ja e duhur mund t’i japë një ide kirurgut për sjelljen e mundshme të tumorit. Neurokirurgu për fëmijë planifikon trajtimin më të mirë për tumorin, pasi të rishikohen disa parametra, të tilla si lloji, vendodhja, madhësia, përhapja e tumorit si dhe afërsia e tij me rrugët nervore që rregullojnë lëvizjet e krahëve dhe këmbëve.
Me shumë mundësi trajtimi do të ketë natyrë kirurgjikale. Në varësi të shkallës, mund të rekomandohet vetëm monitorimi ose biopsia në vend të një operacioni për disa tumore të cilët kanë një ritëm të ngadaltë të rritjes në krahasim me tumoret e tjerë.
Megjithëse testet para operacionit mund të japin një ide në lidhje e llojin e tumorit, vendimi përfundimtar dhe i saktë për llojin e tumorit do të merret në dritën e ekzaminimit patologjik të pjesës së indit që hiqet gjatë operacionit.
Ky informacion nuk do të zëvendsojë këshillen e një doktori. Lista doktorëve është dhënë si një lehtësi për ju. Ajo nuk është menduar si një rekomandim. doktorijuaj.com hedhë poshtë çdo garanci ose detyrim për përdorimin tuaj të këtij informacioni, pa konsultimin e drejtëpërdrejte me doktorin. Përdorimi i këtij informacioni do të thotë se ju pranoni kushtet e përdorimit. Se si u zhvillua ky informacion për t'ju ndihmuar që të merrni vendime më të mira shëndetësore.
